Mir si gweckt worde. Danach simmer ufgstande und hend müesse go messe. Zmörgelet und geämtlet hemmer.
Denne hemmer müesse eusi sache packe und es bizeli de berg ufelaufe, dasmer i dTurnhalle go chönd. Die Turnhalle isch gäl und gross gsi. Es isch mega viil zügs umegläge wo als Hindernis dient hend. Die grosse ehrwürdige Rana het üs den das spili erklärt. Mir hend eus gegesiitig müese jage und e Rucksack bzw. E Pfiife muese sueche odr verstecke jenochdämm in welem Team me isch. Im Team sind Jasscharte verteilt worde. Wo sich gegesitig steche chönt. Im Verlauf vom spiel sind denn no mehr Rüuckseck drzue cho.
Gege die 12 simmer denn wieder zrugg ins Lagerhuus gloffe und go messe und go Mittag esse. S Esse isch sehr guet gsi. Am Nomitag sind mir wieder zrugg und no meh umeseckle bis mer nüme möge hend. Dasmol aber no mit flaggene.
Zum zvieri hemmer alles ufgruumt und sind wieder zrugg is Huus und hend chli zvieri gässe. Nocher hend alli chli freiziit gha. Denn isch lagerkiosk gsi wommer üs alli mit sache sächeli ihdeckt und hend taktisches dusche gmacht.
De Znacht isch wiederum de hammer gsi. Viele Dank an üsi chuchi.
Am obig hemmer denn altersgruppeprogrammm gha und hend jewils eiges programm gha. Die älteste hend scho es bizzeli de Mittwoch innere wuche vorplant, die Mittlerste hend die Zelt für dWanderig uf und wieder abbbaut zum luege öbs überhaupt funktioniert. Die chliinste hend für de Iron Man Flieger baut und usm sprützzimmerfenster useflüüge loh.
Denne hemmer no hurti spoote gesse und sind denne aber au scho go pfüsele.
San Frantschüssko miteinander
Jasmin, Raconto, Kristijan, Sir Quack, Cielo, Cinturo, Spick
Diala 