Anreise

Hallo lieber Leser, ab diesem Moment sind die lyrischen Beiträge aus den Federn unserer Teilnehmer.

E teil vom ganze Lager het sech in Basel ond de anderi teil het sich in Aarau troffe. Doch einigi send z spot zum träffponckt cho, do sie scho im Stou gstande send. Deswäge esch de car döte scho z spot ab gfahre. Schlossändlich isch de Hogwarts Bus 20 min z spot in Aarau acho. Nach enere 2 stöndige fahrt sind mer bi de Flumser bärge acho.

Do de Hogwarts Bus ned genau het chönne vors Lagerhaus fahre send mer zum Lagerhaus gloffe und üsi koffere send met em Maxi-Taxi abegfahre worde. Denne hend mer üsi koffere vorem igang vom Lagerhaus bezoge. Nachdäm mer s erste mol üse BZ vorgführt hend (ond enorm lang hend müese warte, wöu es no einigi problem gä het), hets ässe gä. Es het feins Chalbsgschnätzlets gä. Nachem ässe hend es paar freiwillig i de chochi gholfe. Churz doruf isch scho s erschte mol sLagerlied dorch d Musigboxe erklonge. Denn hend mer üs i de drü altersgruppe troffe ond üs gägesitig vorgstellt, zuedöm hend mer no d regie besproche. Nach nem wiitere mol mässe und nach nere spotmohlzit isch om 22:00 Uhr nachtrueh gsi.